రిలయెన్స్‌పై దాడుల్లో వంశీచంద్‌ పాత్ర
వంశీచంద్‌ విజయం సాధించినా… జాతీయ యువజన కాంగ్రెస్‌ ప్రతినిధులు మాత్రం దాన్ని ప్రకటించలేదు. దివంగత సీఎం వైఎస్‌ రాజశేఖర్ రెడ్డి మరణం తర్వాత టీవీ 5 ఛానల్‌లో వచ్చిన కథనం ఆధారంగా రిలయెన్స్‌ సంస్థలపై దాడులు జరిగాయి. కోట్ల రూపాయల నష్టం వాటిల్లింది. ఈ దాడుల వెనక వంశీచంద్‌రెడ్డి ఉన్నారని... అప్పట్లో ఆయనపై పలుకేసులు ఉండడం వల్ల గెలుపొందినట్టు ప్రకటించేందుకు వెనకాడుతున్నారని సమాచారం. రాహుల్‌గాంధీకి విషయం చెప్పిన తర్వాతే అధికారికంగా ప్రకటన చేసే అవకాశముంది.
పనిచేసిన సామాజిక వర్గం
వంశీచంద్‌కు ఎన్‌ఎస్‌యూఐలో పనిచేసిన అనుభవం, సామాజిక వర్గం, విజయవాడ ఎంపీ లగడపాటి మద్దతు సహకరించాయని యువజన కాంగ్రెస్‌ వర్గాలు చెబుతున్నాయి. ఎన్నికలకు ముందే డబ్బు పంపకం జరగకుండా నిఘా పెట్టాలని రాహుల్ గాంధీ ఆదేశించినప్పటికీ... ఈ ఎన్నికల్లో విజయం కోసం అభ్యర్థులు కోట్ల రూపాయలు ఖర్చుచేశారనే ఆరోపణలు వినిపిస్తున్నాయి.
కాంగ్రెస్‌ కార్యకర్తల విజయం: వంశీచంద్‌
తన విజయం వెనక కాంగ్రెస్‌ కార్యకర్తల కఠోర శ్రమ ఉందని వంశీచంద్‌ అన్నారు. రాహుల్‌గాంధీ ఆకాంక్షమేరకు యువజన కాంగ్రెస్‌ ఎన్నికలు సైతం ప్రజాస్వామ్యబద్ధంగా జరగడం మంచి పరిణామమన్నారు. వంశీచంద్‌పైన ఉన్న ఆరోపణల గురించి విలేఖరులు ప్రశ్నించగా… ‘నాకు ఆ విషయం తెలియదు. ఎందుకు ప్రకటన చేయలేదో వారినే అడగండి’ అని సమాధానమిచ్చారు.
No comments:
Post a Comment